ඉන්දියාවේ මූල්ය අපරාධ ඒජන්සිය විසින් අනිල් අම්බානි සමූහ ව්යාපාරය හා සම්බන්ධ ඉන්දීය රුපියල් බිලියන 30.84ක් වටිනා වත්කම්, තාවකාලිකව අත්හිටුවා තිබෙනවා.
ඉන්දීය රජයේ ආරංචි මාර්ග උපුටා දක්වමින් විදෙස් වාර්තා පවසන්නේ මුදල් විශුද්ධිකරණ පරීක්ෂණයක කොටසක් ලෙස මෙම පියවර ගෙන ඇති බවයි.
මෙම මුදල් විශුද්ධිකරණ පරීක්ෂණය සඳහා ඉන්දියාවේ බලගැන්වීමේ අධ්යක්ෂ මණ්ඩලය නම් වන මුල්ය විමර්ශන ඒකකය කටයුතු කරනවා.
ලෝක ප්රකට ධනවතකු වන මුකේෂ් අම්බානිගේ බාල සොහොයුරා වන අනිල් අම්බානි සතු මෙම සමූහ ව්යාපාරය, 2017 සහ 2019 අතර ඉන්දියාවේ YES Bank වෙතින් ලබාගත් ඩොලර් මිලියන 568.86 ඉක්මවූ ණය මුදල්වලට සම්බන්ධයි.
මෙම අරමුදල් යොදවා කළ ආයෝජනවලින් කිසිදු ප්රතිලාභයක් ලැබී නැතැයි සඳහන්.
විමර්ශකයන් විසින් මුම්බායි, දිල්ලි සහ චෙන්නායි හරහා පිහිටි නේවාසික ඒකක සහ ඉඩම් කොටස් සම්බන්ධයෙන් කිසියම් ගනුදෙනුවක් සිදුකිරීම මේ වන විට අවහිර කර තිබෙනවා.
මෙම අවහිර කරන ලද වත්කම් අතර අනිල් අම්බානිගේ මුම්බායි හි පිහිටි පවුලේ නිවස ද ඇතුළත් බවයි වාර්තා වන්නේ.
විමර්ශකයන් චෝදනා කරන්නේ, රිලායන්ස් හෝම් ෆයිනෑන්ස් ලිමිටඩ් සහ රිලායන්ස් කොමර්ෂල් ෆයිනෑන්ස් ලිමිටඩ් විසින් රැස් කරන ලද අරමුදල්, YES Bank වෙතින් ලබාගත් රුපියල් බිලියන 30ක් (ඩොලර් මිලියන 350ක්) වටිනා ණය බොහෝ ෂෙල් සමාගම් වෙත හරවා යැවීමට සැලසුම් කළහොඳින් සැලසුම් කළ යෝජනා ක්රමයක කොටසක් බවයි.
මුලින් අරමුදල් අන්යොන්ය අරමුදල් හරහා ආයෝජනය කර ඇති අතර, පසුව රෙගුලාසි උල්ලංඝනය කරමින් සමූහ ව්යාපාරය හා සම්බන්ධ ආයතන වෙත යොමු කර තිබුණා.
මීට අමතරව, ණය නිකුත් කිරීමට පෙර YES Bank නිලධාරීන්ට අල්ලස් ගෙවීමට රිලායන්ස් ගෲප් ආයතන චෝදනා ලබා ඇති බව ද රජයේ ආරංචි මාර්ග මීට පෙර පවසා තිබුණා.
විමර්ශකයන් විසින් මෙම නඩුවේදී දුර්වල ණය ගැති විස්තර, නැතිවූ ලේඛන සහ අරමුදල් අවභාවිතය උපුටා දක්වා ඇති අතර, එය පොදු අරමුදල් හරවා යැවීම සහ විශුද්ධිකරණය කිරීම සම්බන්ධ සිද්ධියක් බවට පත් කර තිබෙනවා.
ඒජන්සිය රිලායන්ස් කමියුනිකේෂන් ලිමිටඩ් සහ එහි අනුබද්ධිත ආයතන සම්බන්ධයෙන් ද විමර්ශනය කරමින් සිටිනවා.
එහිදී රුපියල් බිලියන 136කට අධික (ඩොලර් බිලියන 1.55කට) වැඩි මුදලක් සම්බන්ධයෙන් චෝදනා එල්ල වන බව සඳහන්.
