ආශා බෝස්ලේ ( Asha Bhosle ) මහත්මිය ශ්වසන ආබාධ සහ හෘද සම්බන්ධ සංකූලතා හේතුවෙන් රෝහල්ගත කර ඇති බව වාර්තා වේ.
ඇය ඉන්දියාවේ මුම්බායි නගරයේ පිහිටි Breach Candy Hospital රෝහලට සෙනසුරාදා දින ඇතුළත් කර ඇති අතර, මේ වන විට Intensive Care Unit (ICU) හි ප්රතිකාර ලබමින් සිටින බව වාර්තා සඳහන් කරයි.
රෝහල් ආරංචි මාර්ග උපුටා දක්වමින් මාධ්ය වාර්තා පවසන්නේ, ඇයගේ සෞඛ්ය තත්ත්වය හදිසි ලෙස අස්ථාවර වීමෙන් පසු මෙම ඇතුළත් කිරීම සිදු කර ඇති බවයි. වෛද්යවරුන් විසින් ඇය දැඩි නිරීක්ෂණය යටතේ ප්රතිකාර ලබා දෙන බවද සඳහන් වේ.
මේ වන විට ඇයගේ පවුල හෝ වෛද්ය කණ්ඩායම විසින් නිල ප්රකාශයක් නිකුත් කර නොමැත.
Asha Bhosle මහත්මිය ඉන්දියානු සංගීත ක්ෂේත්රයේ දශක ගණනාවක් පුරා ගීත දහස් ගණනක් ගායනා කර ඇති ප්රකට ප්රතිභාවන්ත ගායිකාවක් ලෙස සැලකේ.
ඇයගේ සෞඛ්ය තත්ත්වය පිළිබඳ නවතම තොරතුරු ඉදිරියේදී බලාපොරොත්තු වේ.
-හින්දුස්ථාන් ටයිම්ස්-
