දකුණු අප්රිකානු සුපිරි දඟපන්දු යවන ක්රීඩක Tabraiz Shamsi සහ දකුණු අප්රිකානු ක්රිකට් ආයතනය (CSA) අතර පැවති නීතිමය සටනකින් Tabraiz Shamsi ජයග්රහණය කර තිබෙනවා.
ජොහැනස්බර්ග් මහාධිකරණය තීන්දු කළේ, ෂම්සිට දැනට ක්රීඩා කරන ජාත්යන්තර විස්සයි20 ලීගය (ILT20) අවසන් වන තෙක් එරට ක්රිකට් ආයතනය විසින් ‘අකමැත්ත ප්රකාශ නොකිරීමේ සහතිකය’ (NOC) ලබා දිය යුතු බවයි.
මෙම අර්බුදය හටගත්තේ Tabraiz Shamsi හට ජනවාරි මුල දක්වා පැවැත්වෙන ILT20 තරගාවලිය සඳහා සහභාගී වීමට දකුණු අප්රිකානු ක්රිකට් ආයතනය අවසර ලබා දී තිබුණේ දෙසැම්බර් මැද දක්වා පමණක් වීම හේතුවෙනි.
දකුණු අප්රිකාවේ පැවැත්වෙන SA20 තරගාවලිය සඳහා ක්රීඩක වෙන්දේසියේදී Tabraiz Shamsi තේරී පත්ව ඇති බැවින්, ඔහු මෙරට දේශීය තරග සඳහා ප්රමුඛතාව දිය යුතු බව ක්රිකට් ආයතනයේ තර්කය වුණා.
කෙසේ වෙතත්, ෂම්සි අධිකරණය හමුවේ ප්රකාශ කළේ තමන් කිසිදු SA20 කණ්ඩායමක් සමඟ නිල ගිවිසුමකට අත්සන් කර නොමැති බවයි.
එමෙන්ම, විදෙස් ලීගවලට සහභාගී වීම වැළැක්වීම හරහා ක්රීඩකයෙකු ලෙස තමන්ගේ වෘත්තීය ජීවිතයට සහ ජීවනෝපායට අසාධාරණ ලෙස බාධා පමුණුවන බව ඔහු තර්ක කරනු ලැබුවා.
Shamsi තර්කය පිළිගත් අධිකරණය, ක්රිකට් ආයතනයේ තීරණය අසාධාරණ බව ප්රකාශ කළ අතර ෂම්සිගේ නීතිමය ගාස්තු ගෙවන ලෙස ද ක්රිකට් ආයතනයට නියෝග කරනු ලැබුවා.
ඒ අනුව Tabraiz Shamsiට ILT20 තරගාවලියේ අවසානය දක්වා ක්රීඩා කිරීමට අවස්ථාව හිමිවනු ඇති.
ඉන් අනතුරුව ඕස්ට්රේලියාවේ පැවැත්වෙන බිග් බෑෂ් (Big Bash) ලීගය සඳහා සහභාගී වීමට ද ඔහුට අවසර ලැබෙනු ඇති බවයි විදෙස් මාධ්ය පවසන්නේ.
