ශ්රී ලංකා පාසල් ක්රිකට් සංගමය විසින් ශ්රී ලංකා ක්රිකට් ආයතනයේ අනුග්රහය ඇතිව සංවිධානය කරනු ලබන වයස අවුරුදු 19න් පහළ පළමු කොටස ටියර් ‘ඒ’ අන්තර් පාසල් දෙදින ක්රිකට් තරගාවලිය කණ්ඩායම් 18කගේ සහභාගීත්වයෙන් පැවැත්වෙනවා.
මෙවර උසස්වීම් ලැබූ කොළඹ තර්ස්ටන් විද්යාලය සහ ගාල්ල මහින්ද විද්යාලය සමගින් කණ්ඩායම් 18ක් පළමු වටයේදී කාණ්ඩ 2ක් යටතේ ලීග් ක්රමයට තරග වදිනු ඇති.
මෙවර දෙදින තරගාවලියේ පළමු වටයේදී සෑම කණ්ඩායමකටම තරග 8ක් බැගින් හිමිවන අතර, පළමු වටයේදී දස්කම් දක්වන එක් කාණ්ඩයකින් කණ්ඩායම් 4ක් බැගින් කණ්ඩායම් 8ක් අර්ධ අවසන් පූර්ව වටයට සුදුසුකම් ලබනවා. මෙම දෙදින තරගාවලියේ පළමු වටය (ලීග් අදියර) 2026 ජනවාරි මස 31 දිනෙන් අවසන් වනවා.
තරගාවලියේ අර්ධ අවසන් පූර්ව වටයේ සිට අවසන් තරගය දක්වා තරග තෙදින තරග ලෙස පැවැත්වීමට කටයුතු යොදා තිබෙනවා. 2025 වසරේ දෙසැම්බර් මස 31 දින වනවිට ඉන් තරග 5ක් පැවැත්වීම අනිවාර්ය කොට ඇති අතර, අර්ධ අවසන් පූර්ව වටයේ තරග පෙබරවාරි මස මුල් සතියේදී පැවැත්වීමට පසුගියදා නිමාවූ එක්දින ක්රිකට් තරගාවලියේදී පනවා තිබූ ක්රීඩා කරන 11 දෙනා අතරට වයස අවුරුදු 15න් පහළ ක්රීඩකයකු ක්රීඩා කිරීම අනිවාර්ය කොට තිබූ තරග කොන්දේසිය දෙදින තරගාවලියේදී ඉවත්කිරීමට ශ්රී ලංකා පාසල් ක්රිකට් සංගමය කටයුතු යොදා තිබෙනවා.
කොළඹ රාජකීය විද්යාලය සහ මොරටුව ශාන්ත සෙබස්තියන් විද්යාලය පසුගිය වර පළමු කොටස ටියර් ‘ඒ’ අන්තර් පාසල් දෙදින ක්රිකට් තරගාවලියේ සම ශූරතාවට හිමිකම් කී අතර, කොළඹ ශාන්ත ජෝශප් විද්යාලය සහ මහනුවර ත්රිත්ව විද්යාලය අවසන් පූර්ව වටයට සුදුසුකම් ලැබුවා.
පසුගිය වර පළමු කොටස ටියර් ‘බී’අන්තර් පාසල් දෙදින ක්රිකට් තරගාවලියේ සම ශූරයින් වූ කොළඹ තර්ස්ටන් විද්යාලය සහ ගාල්ල මහින්ද විද්යාලය මෙවර පළමු කොටස ටියර් ‘ඒ’ අන්තර් පාසල් දෙදින ක්රිකට් තරගාවලියට උසස්වීම් ලැබුවා.
පසුගිය වර වයස අවුරුදු 19න් පහළ පළමු කොටස ටියර් ‘ඒ’ අන්තර් පාසල් එක්දින ක්රිකට් තරගාවලියට එක්ව සිටි කණ්ඩායම් අතුරින් කොටහේන ශාන්ත බෙනඩික්ට් විද්යාලය සහ කුරුණෑගල මලියදේව විද්යාලය මෙවර පළමු කොටස ටියර් ‘බී’ තරගාවලියට පහත හෙළා තිබෙනවා.
‘ඒ’ කාණ්ඩය – මොරටුව ශාන්ත සෙබස්තියන් විද්යාලය,කොළඹ තර්ස්ටන් විද්යාලය, කොළඹ රාජකීය විද්යාලය, ගාල්ල රිච්මන්ඩ් විද්යාලය, බම්බලපිටිය ශාන්ත පීතර විද්යාලය, කොළඹ ඩී.එස්. සේනානායක විද්යාලය, කටුගස්තොට ශාන්ත අන්තෝනි විද්යාලය, කැළණිය ගුරුකුල විද්යාලය, කොළඹ නාලන්දා විද්යාලය
‘බී’ කාණ්ඩය – මහනුවර ත්රිත්ව විද්යාලය, ගාල්ල මහින්ද විද්යාලය, කොළඹ ශාන්ත ජෝශප් විද්යාලය, මාතර ශාන්ත සර්වේෂස් විද්යාලය, ගල්කිස්ස සාන්ත තෝමස් විද්යාලය, කොළඹ ලුම්බිණි විද්යාලය, කොළඹ මහානාම විද්යාලය, මීගමුව මාරිස්ටෙලා විද්යාලය, මොරටුව වේල්ස් කුමර විද්යාලය
