යාපනය, නාගර්කෝවිල් වෙරළ තීරයේ 2026 අප්රේල් 10 වන දින උදෑසන සිදුකළ සෝදිසි මෙහෙයුමකදී, නීතිවිරෝධී ලෙස රාත්රී කාලයේ කිමිදී මුහුදු කූඩැල්ලන් ඇල්ලූ පුද්ගලයින් 06 දෙනෙකු අත්අඩංගුවට ගැනීමට ශ්රී ලංකා නාවික හමුදාව පියවර ගෙන ඇත.
උතුරු නාවික විධානයට අයත් වෙත්තලකේණි නාවික අනුඛණ්ඩය විසින් මෙම මෙහෙයුම ක්රියාත්මක කරන ලද්දේ, වෙරළ දෙසට පැමිණි සැකකටයුතු ඩිංගි යාත්රා දෙකක් නිරීක්ෂණය කර පරීක්ෂා කිරීමෙන් අනතුරුවය. එහිදී, තහනම් රාත්රී කිමිදුම් ක්රම මගින් නීතිවිරෝධී ලෙස අල්ලා ගන්නා ලද මුහුදු කූඩැල්ලන් 939 දෙනෙකු නාවික හමුදා නිලධාරීන් විසින් සොයා ගන්නා ලදී. එම මුහුදු කූඩැල්ලන් තොගය සමඟ, මෙම නීතිවිරෝධී කටයුත්ත සඳහා යොදාගත් ඩිංගි යාත්රා 02ක් සහ කිමිදුම් උපකරණ කට්ටලයක් ද නාවික හමුදා භාරයට ගෙන ඇත.
අත්අඩංගුවට ගත් සැකකරුවන් වයස අවුරුදු 23 ත් 37 ත් අතර පසුවන මන්නාරම සහ වැල්වැටිතුරේ ප්රදේශවල පදිංචිකරුවන් බව හඳුනාගෙන ඇත. අත්අඩංගුවට ගත් පුද්ගලයින්, මුහුදු කූඩැල්ලන් තොගය, ඩිංගි යාත්රා සහ කිමිදුම් උපකරණ ඉදිරි නීතිමය කටයුතු සඳහා යාපනය ධීවර පරීක්ෂක වෙත භාර දීමට කටයුතු කර ඇත.
නීතිවිරෝධී ලෙස රාත්රී කාලයේ කිමිදීමුහුදු කූඩැල්ලන් ඇල්ලූ පුද්ගලයින් 06 දෙනෙකුනාවික හමුදා අත්අඩංගුවට
