විපක්ෂයේ මන්ත්රීවරුන් කිහිපදෙනෙක් තමන්ගේ අදහස් දැක්වීමේදී බොරු තර්ක කිහිපයක් මේ සභාවට ඉදිරිපත් කරලා සභාව වගේම රටත් නොමඟ යැවීමට කටයුතු කළ බව අවස්ථාවන් පෙණුන බව මන්ත්රී පද්මසිරි බණ්ඩාර පවසයි.
ඔහු මේ බව ප්රකාශ කළේ අද(19)පාර්ලිමේන්තුවේ අයවැය කාරක සභා අවස්ථාවේ විවාදයට එක් වෙමිනි.
ඒ අනුව සෞඛ්ය අමාත්යංශය බිලියන 456ක් වෙන් කළ මුදලින් පුනරාවර්තන වියදම සඳහා බිලියන 52.5ක මුදලක්ද, ප්රාග්ධන වියදම සඳහා බිලියන 403ක්ද වෙන් කර ඇති බව ඔහු ප්රකාශ කරයි. නමුත් විපක්ෂයේ මන්ත්රීවරයෙක් අයවැයෙන් වෙන් කරලා තියන මුදලින් 13%ක් ප්රාග්ධන වියදම ලෙස වෙන් කර ඇති බව පැවසූ බව ඔහු වැඩිදුරටත් ප්රකාශ කළා.
ඒ වගේම කෘෂිකර්ම අමාත්යංශය සඳහා වෙන් කළ මුදල බිලියන 257ක්. මෙයින් පුනරාවර්තන විඅයදම සඳහා බිලියන 102.6ක්ද, ප්රාග්ධන වියදම බිලියන 164ක් බව ප්රකාශ කළා. ග්රාමීය හා යටිතල පහසුකම් අමාත්යංශයට බිලියන 169ක් වෙන් කර ඇති අතර මෙයින් පුනරාවර්තන වියදම බිලියන බිලියන 11.4ක්ද, ප්රාග්ධන වියදම බිලියන 157.6ක් වන බවත් මේ සාධකවලින් රටේ අනාගතය ගැන සළකා ප්රාග්ධන වැය ශීර්ෂය 50%කටත් වඩා මේ අයවැයෙන් වෙන් කර ඇති බව ප්රකාශ කළා.
