හෝමුස් සමුද්ර සන්ධිය (Strait of Hormuz) හරහා නෞකා ගමනාගමනය සිදුවිය යුතු ආකාරය පිළිබඳව ඉරාන ඉස්ලාමීය විප්ලවවාදී ආරක්ෂක බලකායේ (IRGC) නාවික විධානය විසින් නව කොන්දේසි මාලාවක් ප්රකාශයට පත් කර තිබෙනවා.
ඒ අනුව, එම මුහුදු සීමාව හරහා ගමන් කරන නෞකා සඳහා ඉරාන හමුදාවේ පූර්ව අවසරය ලබා ගැනීම අනිවාර්ය වනු ඇති බවයි විදෙස් මාධ්ය වාර්තා කරන්නේ.
එම මාධ්ය වාර්තා පෙන්වා දෙන්නේ, ඕනෑම නෞකාවක ගමනාගමනය සඳහා අවසර දෙනු ලබන්නේ ඉරාන විප්ලවවාදී ආරක්ෂක බලකායේ (IRGC) නාවික අංශයේ අනුමැතිය මත පමණක් බවත්, විල් නෞකා සඳහා ගමනාගමනයට අවසර ලැබෙන අතර, ඒවා ඒ සඳහා විශේෂයෙන් නම් කරන ලද මුහුදු මාර්ගයක් ඔස්සේ පමණක් ගමන් කළ යුතු බවත් එම කොන්දේසි මාලාවේ සඳහන් බවයි.
එමෙන්ම, යුද නෞකා සඳහා හෝමුස් සමුද්ර සන්ධිය හරහා ගමන් කිරීම තවදුරටත් දැඩි ලෙස තහනම් කර තිබෙනවා.
මෙම නව පියවරයන් ලෙබනන සටන් විරාමය ක්රියාත්මක කිරීමෙන් පසුව සහ යුධ පිටියේ ප්රකාශයට පත් කළ ‘නිහඬ කාලසීමාව’ පිළිබඳ එකඟතාවන්ට අනුකූලව ගනු ලැබූ තීරණ බව IRGC නාවික විධානය නිකුත් කළ නිවේදනයේ වැඩිදුරටත් සඳහන්.
මූලාශ්රය | අල්ජසීරා
