වසර 38ක ඉඩෝරයට තිත තබමින්ත්රිත්ව විදුහල ශූරතාවය දිනයි.පුරා වර්ෂ 38 ක් තිස්සේ ලත් පසුබෑමට තිත තබා ගනිමින් 2025 වසරේ ක්රියාත්මක කෙරුණු ප්රමුඛ පෙළ පාසල් ලීග් රග්බි පාපන්දු තරගාවලියේ ශූරතාව දිනා ගනිමින් කැපී පෙනෙන්නට මහනුවර ත්රිත්ව විදුහල නියෝජනය කළ ක්රීඩකයෝ සමත් වූහ.
එහි ප්රතිඵලය ලෙස ජයග්රාහී ත්රිත්ව විදුහලට “ඩයලොග් අභියෝග කුසලාන ප්රදානය කෙරේ.
දිවයිනේ පාසල් 18 ක සහභාගිත්වයෙන් ක්රියාත්මක තෙරුණු මෙවර ප්රමුඛ පෙළ පාසල් ලීග් රග්බි පාපන්දු තරගාවලියේ එකම අපරාජිත කණ්ඩායම බවට පත් වෙමින් ශූරතාව තහවුරු කර ගැනීමට සමත් වීම ඉහළ අගයක් ගත්තේය. තවත් එක් තරගයක් තිබියදීම ශූරතාවය තහවුරු කර ගැනීමට ත්රිත්ව විදුහල සමත් වීම ඒ අතර කැපී පෙනෙයි.
මූලික වටයේදී මහනුවර ශ්රී සුමංගල විදුහල ලකුණු 49 15 කින් ද
මහනුවර විද්යාර්ථ විදුහල
ලකුණු 74 – 14 කින් ද,
කොළඹ තන්ස්ටන් විදුහල
ලකුණු 48 – 19 කින් ද,
කොළඹ ශාන්ත ජෝශප් විදුහල
ලකුණු 29 – 07 කින් ද,
කොළඹ රාජකීය විදුහල ලකුණු 34 – 12 කින් ද පරාජය කිරීමට ත්රිත්ව විදුහලට හැකියාව ලැබිණි. දෙවන වටය ආරම්භ කරමින් පැවති පළමු තරගයේදී ගල්කිස්ස ශාන්ත තෝමස් විදුහලට එරෙහිව ලකුණු 36 – 19 ක් ලෙස ද දෙවන තරගයේදී කොළඹ ඉසිපතන විදුහලට එරෙහිව ලකුණු 32 – 10 ක් ලෙස ද, තෙවන තරගයේදී කොළඹ වෙස්ලි විදුහලට එරෙහිව ලකුණු 23 – 21 ක් ලෙස ද ජයග්රහණ වාර්තා කර ගැනීමට ත්රිත්ව විදුහල සමත් විය.
ත්රිත්ව විදුහල සහභාගි වූ ආසන්නම තරගය ඉකුත් සෙනසුරාදා (02දා) දින පල්ලේකැලේදී පැවැත්විණි. එහි දී ලකුණු 23 – 21 ක් ලෙස වෙස්ලි විදුහලට පරාජය හිමි විය. ත්රිත්ව සහ වෙස්ලි යන දෙවිදුහල් අතර තරගය අපේක්ෂා කළ පරිදිම ආරම්භයේ සිට අවසානය දක්වාම අතිශය තියුණු හා උණුසුම් මුහුණුවරකට අනුවර්තනය වී තිබීම කැපී පෙණුනි. සමබර දක්ෂතා සපිරි දෙපිලක් ලෙස තරගය පුරා ක්රීඩක හැකියාවන් ඉහළ තලයක පවත්වා ගන්නා අයුරු මෙන්ම සටන්කාමීත්වය ප්රශංසනීය මට්ටමක වීම ඒ අතරේ විශේෂත්වයක් ඉසිලීය.
තරගයේ පළමු භාගය නිම වන විට ලකුණු 07 – 05 ක්
ලෙස පෙරමුණ ගැනීමට වෙස්ලි විදුහලට හැකියාව ලැබිණි. එහෙත්, දෙවන භාගය ආරම්භ වීමත් සමගම ප්රබල ආක්රමණශීලී ක්රීඩා රටාවක නිරත වෙමින් තියුණුම ජයග්රහණයක මිහිර අත්විඳින්නට ත්රිත්ව ක්රීඩකයෝ සමත් වූහ.
ජයග්රාහී ත්රිත්ව පිල ගෝල් දිනුම් 01, උත්සාහක දිනුම 02, දඬුවම් පහර 01 සහ ඩ්රොප් ගෝල් 01 ක් ආශ්රිතව ලකුණු පුවරුව ඉහළ නංවා ගන්නා අතරවාරයේදී වෙස්ලි විදුහලට සටහන් කර ගැනීමට හැකියාව ලැබුණේ ගෝල් දිනුම් 03 ක් පමණි.
මෙම සති අන්තයේ පැවති ප්රමුඛ පෙළ සෙසු තරග ආශ්රිතව ජයග්රහණ අත්කර ගැනීමට කොළඹ රාජකීය විදුහල සහ බම්බලපිටිය ශාන්තපීතර විදුහල සමත් විය. රාජකීය විදුහල හමුවේ ගල්කිස්ස ශාන්ත තෝමස් විදුහල ලකුණු 30 – 29 ක් ලෙස ද ශාන්තපීතර විදුහල හමුවේ කොළඹ ඉසිපතන විදුහල ලකුණු 14 – 07 ක් ලෙස ද පරාජය ලැබීය. සාම්ප්රදායික ප්රතිමල්ලවයන් ලෙස හඳුන්වා දිය හැකි රාජකීය සහ ශාන්ත තෝමස් යන දෙවිදුහල් අතර තරගය අතිශය තියුණු හා උණුසුම් මුහුණුවරක් ඉසිලීම කැපී පෙණුනි. එහි ප්රයත්නයක් ලෙස ලකුණු 01 ක සියුම් ජයග්රහණයක පහස ලබන්නට රාජකීය ක්රීඩකයින්ට හැකියාව ලැබිණි.
