මුදල් විශුද්ධිකරණ පනත යටතේ සිදු කරන විමර්ශනයකට අදාළව මත්ද්රව්ය ජාවාරම්කරුවෙක් බව පැවසෙන බැකෝ සමන් නැමැත්තාගේ බිරිඳ වන ශාධිකා ලක්ෂානී නමැත්තියට ඇප ලබා දීමේදී සෑම ඉරු දිනකම අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස සිදු කර ඇති කොන්දේසිය ලිහිල් කරන ලෙස ඇය වෙනුවෙන් පෙනී සිටි නීතිඥවරයා සිදු කළ ඉල්ලීම කොළඹ ප්රධාන මහේස්ත්රාත් අසංග එස් බෝදරගම අද (22) ප්රතික්ෂේප කළා.
මුදල් විශුද්ධිකරණ පනත යටතේ අත්අඩංගුවට ගෙන ඇප මත සිටින බැකෝ සමන්ගේ බිරිඳ සන්තකයේ තිබූ රත්තරන් භාණ්ඩ වල ප්රමාණය ලක්ෂ 84 ක් බව අපරාධ පරීක්ෂණ දෙපාර්තමේන්තුව අධිකරණයට දැන්වූවා .
සිද්ධියට අදාල නඩුව කැදවූ අවස්ථාවේදී අපරාධ පරීක්ෂණඋ දෙපාර්තමේන්තුව වෙනුවෙන් අධිකරණයේ පෙනී සිටි නිලධාරීන් වැඩිදුර බී වාර්තාවක් ඉදිරිපත් කරමින් මේ බව දන්වා සිටියා.
සැකකාරියගේ දරුවා කුඩා බැවින් එම කොන්දේසිය මකට වරක් අවසන් ඉරු දින ලෙස ලිහිල් කරන ලෙස කළ ඉල්ලීම මෙලෙස ප්රතික්ෂේප කෙරිණි.
ඇයට අයත් බවට පැවැසෙන ගිණුම් 4 ඇති රුපියල් ලක්ෂ 80 අධික මුදලක් සම්බන්ධයෙන් තවදුරටත් විමර්ශන සිදු කරන බව නඩුව කැඳවූ අවස්ථාවේදී අපරාධ පරීක්ෂණ දෙපාර්තමේන්තුව අධිකරණයට වැඩිදුර වාර්තාවක් ඉදිරිපත් කරමින් කියා සිටියා.
ඇයගේ සමීපතයින්ට අයත් බැංකු ගිණුම් 13ක් තහනම් කර තිබෙන අතර ඇය මත්ද්රව්ය ජාවාරම් වලට සම්බන්ධ වී ඇති බව විමර්ශන අනාවරණය කර ඇති බවත් පියාගේ සහ සහෝදරියගේ බැංකු ගිණුම් වලට වසර 2024 සහ 2025 ඔවන් විදේශ ගතව සිටියදී විශාල වශයෙන් මුදල් සංසරණය වී ඇති බවට සිදු කළ විමර්ශන අනාවරණය වි ඇති බවද දැන්වුවා.
නඩුව කැඳවූ අවස්ථාවේදි ඇප මත මුදා හැර ඇති ශාධිකා ලක්ෂානී නමැත්තිය අධිකරණය හමුවේ පෙනී සිටියාය.
වැඩිදුර වාර්තා සඳහා නඩුව ලබන මැයි මස 07 දා යළි කැඳවිමට නියමිතයි.
