බළපිටිය මහාධිකරණ විනිසුරු රුචිර වැලිවත්තමහතා මෙසේ පැවැසුවේ. ඉඩම් ආරවුලක් පදනම් කරගෙන තම මව ගෙල සිර කර මරා දැමූ බවට මහාධිකරණය හමුවේ අධි චෝදනා ලබා සිටි විත්තිකාර පුතකු එකී චෝදනාවට වරදකරු කරමිනි.
ඒ අනුව ඉඩම් ආරවුලක් ඇති කරගෙන බහින් බස් වීම් ඉක්මවා යමින් තදබල ගැටුමක් දක්වා ගෙන ගොස් ගෙල සිර කර තම මව මරා දැමූ බවට බළපිටිය මහාධිකරණය හමුවේ අධිචෝදනා ලබා සිටි විත්තිකාර පුතා එකී චෝදනාවට වරදකරු බවට තීන්දු කළ මහාධිකරණ විනිසුරු රුචිර වැලිවත්තමහතා ඔහුට මරණීය දණ්ඩනය නියම කළේය.
ගෙල සිර කර තම මව ඝාතනය කළ බවට විත්තිකරුට එරෙහිව පැමිණිල්ල විසින් නඟා ඇති චෝදනා සාධාරණ සැකයකින් ඔබ්බට ඔප්පු කර ඇති බවද ප්රකාශ කළ මහාධිකරණ විනිසුරුවරයා ඒ අනුව ජනාධිපතිවරයා නියම කරනු ලබන දිනයක සහ වේලාවකදී වැලිකඩ සිරගෙදරදී බිත්ති හතර ඇතුළත විත්තිකරුගේ ප්රාණය නිරුද්ධ වනතුරු එල්ලා තබා මරා දමන ලෙසට තමා නියෝග කරන බවද කීවේය. විත්තිකරුට මරණීය දණ්ඩනය නියම නොකළ යුතු බවට කිසිවත් කීමට ඇත්දැයි මහාධිකරණ විනිසුරුවරයා විත්තිකාර පුභාගෙන් විමසූ අවස්ථාවේ ඊට ප්රතිචාර දක්වමින් විත්තිකාර පුතා ප්රකාශ කළේ, “මට කියන්න තියෙන්නෙ, මගෙ අම්මට මම ගොඩක් ආදරෙයි. මම් හදා වඩා ගත් අම්මට මම් ගොඩක් ආදරෙයි. අත පය නොකඩා කිරි දීලා මාව හදා ගත් අම්මට මම ගොඩක් ආදරෙයි” යනුවෙනි. එහිදී මහාධිකරණ විනිසුරුවරයා යළි විත්තිකරුගෙන් විමසා සිටියේ තමා කුමන ආගමේද යන්නයි. තමන් බෞද්ධාගමිකයකු බව විත්තිකරු එහිදී කීවේය.
චිත්තිකාර පුතාගේ එම ප්රකාශයට ප්රතිචාර දක්වමින් මහාධිකරණ විනිසුරු රුචිර වැලිවත්ත මහතා ප්රකාශ කළේ, මවකට ආදරය කළ යුත්තේ ජීවත්ව සිටින කාලය තුළදී මිස ඝාතනය කිමෙන් අනතුරුව නොවන බවයි. බෞද්ධ ඉගැන්වීමට අනුව මව ඝාතනය කීරීම ආනන්තරීය පාප කර්මයක් ලෙස සැලකෙන බව ද අවධාරණය කළ මහාධිකරණ විනිසුරුවරයා මව ඝාතනය කිරීමේ වරදට නීතියෙන් හිමිවන දඬුවමට අමතරව විත්තිකරුට අනිටු විපාකවලට මුහුණදීමට සිදුවන බවට සිහි තබා ගතයුතු බවද කියා සිටියේය.මව සහ විත්තිකාර පුතා අතර හටගත් බව කියන ආරවුල විත්තිකාර පුතා විසින්ම ඇති කර ගන්නා ලද ඉඩම් සම්බන්ධ ආරවුලක් මිස එය කිසිසේත්ම මරණකාර මට විසින් ආරම්භ කරන ලද්දක් නොවන බව අධිකරණ නඩු විභාගයේදී සාක්ෂි මඟින් අනාවරණ වී ඇති බවද මහාධිකරණ විනිසුරුවරයා පැවැසීය.
තම මව ඝාතනය කීරීමේ වරදට මෙලෙස මරණ දඬුවම නියම වූයේ මිටියාගොඩ, තෙල්වත්ත, මැටිවල පදිංචි පිටිහල ලියනගේ පැරකුම් පෙරේරා නමැත්තකුටය. 2017 වසරේ සැප්තැම්බර් මස 27 වැනි දින හෝ ඊට ආසන්න දිනයකදී බළපිටිය මහාධිකරණ බල ප්රදේශයට අයත්, මැටිවලදී තම මව වන සීලවතී අබේවික්රම යන අය ගෙල සිර කර මරා දැමූ බවට නීතිපතිවරයා විසින් ලංකා දණ්ඩ නීති සංග්රහයේ 296 වැහි වහන්තිය ප්රකාරව විත්තිකරුට එරෙහිව බළපිටිය
මහාධිකරණය හමුවේ අධිචෝදනා ගොනු කොට තිබණේ. පැමිණිල්ල වෙනුවෙන් නීතිපතිවරයා නියෝජනය කරමින් රජයේ අධිනීතිඥ සෙනුරි ගුණතිලක මෙනෙවිය පෙනී සිටි අතර, විත්තිකරු වෙනුවෙන් නීතීඥ උදාර කෞශල්ය මහතා පෙනී සිටියේය. මෙම නඩුවේ ලඝු නොවන මූලික විභාගය බළපිටිය මහෙස්ත්රාත් අධිකරණය හමුවේ පැවැති අතර නීතිපතිවරයා විසින් විත්තිකරුට එරෙහිව අධි චෝදනා ගොනු කිරීමෙන් අනතුරුව වැඩිදුර විභාගය
සඳහා බළපිටිය මහාධිකරණයට යොමු කොට තිබිණි. මීටියාගොඩ පොලිසිය මෙම අපරාධය සම්බන්ධයෙන් විමර්ශන මෙහෙයවනු ලැබීය.
