-විපක්ෂ නායක සජිත් ප්රේමදාස –
වත්මන් රජය ජාත්යන්තර මූල්ය අරමුදලේ ඉලක්ක අභිබවා යාමට උනන්දු වීම තුළ මේ මොහොත වන විට බදු පරිපාලනය සහ සාපරාධි ක්රියා අතර සම්බන්ධතාවයක් ඇති වෙමින් පවතින බව විපක්ෂ නායක සජිත් ප්රේමදාස මහතා පවසයි.
කොළඹ පිහිටි විපක්ෂ නායක කාර්යාලයේ බදු පරිපාලනය සම්බන්ධ විශේෂඥවරුන් සහ ව්යාපාරිකයින් ඇතුළු ක්ෂේත්රයට සම්බන්ධ සෙසු පාර්ශ්වකරුවන් සමග පැවැති හමුවකදී විපක්ෂ නායකවරයා මේ බව සඳහන් කළේය.
එහිදී විපක්ෂනායක සජිත් ප්රේමදාස මහතා පැවසුවේ මේ හේතුවෙන් රජයට කිසියම් පාර්ශ්වයක් අමතක වීම, රෝගී වීමක්, විදේශගතවීමක් වැනි හිතාමතා සිදු නොකරන නොසැලකිලිමත්භාවය නිසා බදු පරිපාලන කොන්දේසි ඉටු නොකිරීම සාපරාධි ක්රියාවක් ලෙස සලකා බදු පරිපාලනයක් ගෙන ඒමට රජය කටයුතු කරමින් සිටින බවය.
මෙය මූලික හා මානව අයිතිවාසිකම් උල්ලංගනය කිරීමක් බවත් සිරගත කිරීම යන තර්ජනය හරහා බදු එකතු කිරීම ප්රජාතන්ත්ර විරෝධි ක්රියාවන් කිරීමට රජය සූදානම් වෙමින් සිටින බවද විපක්ෂ නායකවරයා මෙහිදී චෝදනා කළේය.
මෙම ක්රියාව ප්රජාතන්ත්රවාදයට විරුද්ධ වීමත්, මූලික හා මානව අයිතිවාසිකම් උල්ලංගනය කිරීමක් මෙන්ම ව්යාපාරික ප්රජාව භීතියකට නැංවීමක් බව පෙන්වා දෙන සජිත් ප්රේමදාස මහතා මේ තුළින් නව ව්යාපාර බිහිවීම හා නව ව්යාපාර ව්යාප්ත කිරීමත් රැකියා උත්පාදනය සඳහා බරපතල ලෙස බලපෑමක් සිදුවන බවද සඳහන් කළේය.
එමෙන්ම මෙම ක්රියාව තුළින රජය අධිකරණ බලය පවා අභියෝගයට ලක් කර ආණ්ඩුක්රම ව්යවස්ථාව පවා උල්ලංගනය කිරීමක් සිදුකරන බවත් සංවරණ හා තුලන සංකල්පය සහ ප්රධාන ප්රජාතන්ත්රවාදී ආයත තුන වන ව්යවස්ථාදායකය, විධායකය සහ අධිකරණයේ බලය බෙදීම පවා මෙමගින් උල්ලංඝනය වන බවත් විපක්ෂ නායකවරයා අවධාරණය කළේය.
බදු ගෙවිය යුතු සියලු දෙනා බදු ගෙවිය යුතු බවත් බදු ගෙවීම මහ හැරීම සිදු නොකළ යුතු බවත් පෙන්වා දෙන සජිත් ප්රේමදාස මහතා සියලු දෙනා අනිවාර්යයෙන්ම බදු ගෙවිය යුතු වුවත් එය සාපරාධි ක්රියාවක් ලෙස සැලකීම ප්රජාතන්ත්රවාදයට එල්ල කරන මරු පහරක් බවත් විපක්ෂ නායක සජිත් ප්රේමදාස මහතා වැඩිදුරටත් අදහස් දක්වමින් සඳහන් කළේය.
