මැදපෙරදිග යුද්ධය හේතුවෙන් ඉන්ධන මිල ගණන් සහ ආනයන පරිමාවන් ඉහළයාම හේතුවෙන් මෙම වර්ෂයේ (2026) මාර්තු මාසයේ දී ඉන්ධන ආනයන ව්යදම ඇමරිකානු ඩොලර් මිලියන 630 දක්වා සියයට 747කින් ඉහළගොස් ඇති බැව් ශ්රිලංකා මහබැංකුව විසින් නිකුත්කොට ඇති නවතම වාර්තාවක් මගින් අනාවරණය වි ඇත.
ඉන්ධන ආනයනය කිරිම සදහා ඉකුත් වර්ෂයේ (2025) මාර්තු මාසයේ දී වැයවි ඇත්තේ ඇමරිකානු ඩොලර් මිලියන 360.7කි. මහබැංකු වාර්තාවට අනුව මෙම වර්ෂයේ පළමු කාර්තුව තුල (ජන- මාර්තු) ඉන්ධන ආනයනය කිරීම සදහා වැයවි ඇති මුදල ඇමරිකානු ඩොලර් මිලියන 12815 කි. ඒ අනුව ඉකුත් වර්ෂයේ (2025) පළමු කාර්තුවට සාපෙක්ෂව ඉන්ධන ආනයන වියදම සියයට 213කින් ඉහළගොස් ඇත.
ඉන්ධන ආනයන වියදම මෙරට ආනයන වියදමේ විශාලතම අයිතමය වන අතර පසුගිය වසර දහය තුල එය මුළු ආනයන වලින් සියයට 20ක් පමණ වේ. ඉකුත් වර්ෂයේ දි (2025) ඉන්ධන ආනයනය සදහා ඩොලර් බිලියන 4ක මුදලක් වැයවි තිබුණි. මැදපෙරදිග යුද්ධයත් සමග මෙරට ඉන්ධන ආනයන වියදම මෙම වර්ෂයේ දි සැලකිය යුතු ලෙස වැඩිවනු ඇතැයි අපේක්ෂා කෙරේ.
