ඉරානය, අමෙරිකා එක්සත් ජනපදය සහ ඊශ්රායලය අතර පවතින ගැටුම හේතුවෙන් ලෝකය මෙතෙක් මුහුණ දුන් දරුණුතම බලශක්ති අර්බුදය නිර්මාණය වෙමින් පවතින බව ජාත්යන්තර බලශක්ති ඒජන්සියේ (IEA) ප්රධානියා පවසනවා.
France Inter’ ගුවන් විදුලිය සමඟ පැවති සම්මුඛ සාකච්ඡාවකදී බිරෝල් (Birol) පවසා සිටියේ, “මෙය සැබවින්ම ඉතිහාසයේ විශාලතම අර්බුදය” බවයි.
ඔහු තවදුරටත් සඳහන් කළේ, “රුසියාව සමඟ ඇති වූ පෙට්රල් අර්බුදයේ සහ ගෑස් අර්බුදයේ බලපෑම් මෙයට එකතු වූ විට, මෙම අර්බුදය දැනටමත් දැවැන්ත වී ඇති” බවයි.
මැදපෙරදිග යුද්ධය හේතුවෙන් හෝමූස් සමුද්ර සන්ධියේ මුහුදු ගමනාගමනය අඩාල වී ඇති අතර, එය ගෝලීය තෙල් සහ ද්රව ස්වභාවික වායු (LNG) සැපයුමෙන් පහෙන් එකක් ප්රවාහනය කරන ප්රධාන මාර්ගයයි.
යුරෝපයට රුසියානු ගෑස් සැපයුම නතර වීමට හේතු වූ රුසියානු-යුක්රේන යුද්ධයේ බලපෑම්වලට අමතරව මෙම නව ගැටුමද බලපා තිබෙනවා.
ගෝලීය බලශක්ති වෙළඳපොළේ වත්මන් තත්ත්වය 1973, 1979 සහ 2022 වසරවල පැවති අර්බුද සියල්ලෙහි එකතුවට වඩා දරුණු බව තමන් විශ්වාස කරන බව බිරෝල් මෙම මස මුලදී ද ප්රකාශ කර තිබුණා.
