Plai Pratu Pha සහ Plai Srinarong යන නම්වලින් හඳුන්වන තායිලන්ත රජය විසින් ශ්රී ලංකාවට පරිත්යාග කරන ලද ඇතුන් දෙදෙනෙකු ආපසු ගෙන්වා ගැනීමට එරට රජයේ අවධානය යොමුව තිබේ.
ඉන් එක් ඇතෙකු වයස අවුරුදු 12 දී 1979 දී තායිලන්තයෙන් මෙරටට පරිත්යාග කරන ලද පළමු ඇත් පැටවා වන අතර ඇතුන් දෙදෙනා සම්බන්ධයෙන් ශ්රී ලංකා රජය දක්වන අයහපත් සැලකිල්ල හේතුවෙන් තායිලන්ත රජය මෙම තීරණය ගෙන ඇති බව සඳහන්ය.
තායිලන්ත රජය උපුටා දක්වමින් එරට මාධ්ය සඳහන් කර ඇත්තේ, ඔක්තෝබර් මස 28 වන දින ශ්රී ලංකා රජය සමඟ මේ සම්බන්ධයෙන් සාකච්ඡාවක් පැවැත්වීමට නියමිත බවය.
2023 වසරේ දී ශ්රී ලංකාවේ සිට තායිලන්තයට නැවත රැගෙන ගිය Plai Sak Surin හෙවත් ‘මුතුරාජා’ හස්තියා මෙරටින් රැගෙන යෑමට අනුගමනය කරන ලද ක්රියාවලියම මෙම ඇත්තු දෙදෙනා රැගෙන යෑමට භාවිත කිරීමට නියමිත බව ද වාර්තා වේ.
