කැළණිය රජමහා විහාරයෙන් – නිදහස් චතුරස්රය හරහා ගමන් කර ගංගාරාම විහාරයට
කැළණිය – newsforce.lk ජාත්යන්තර ප්රසිද්ධියට පත් ”Walk For Peace” සාමයේ පා ගමන අද (24) කැළණිය රජමහා විහාරයෙන් ඇරඹෙන අතර අප්රේල් 28 වැනිදා දක්වා එය රාජ්ය අනුග්රහය සහිතව පැවැත්වීමට කටයුතු සංවිධානය කර තිබේ.
අද උදෑසන 6.30ට මෙම සාම පා ගමන ආරම්භවීය.
භික්ෂූන් වහන්සේ 200 නමකට වැඩි පිරිසක් පසුගිය ඔක්තෝබර් මස අමෙරිකාවේ ටෙක්සාස් සිට වොෂින්ටනය දක්වා ප්රාන්ත 10ක් පසුකරමින් දින 110ක් පුරා සාමය වෙනුවෙන් පාගමනේ නිරත වුයේ මුළු මහත් ලෝකයේම අවධානය ඒ වෙත යොමු කර ගනිමින්ය.
එය ”ඒහිපස්සිකෝ ”සාමයේ පාගමන නමින් අප්රේල් 28 වැනිදා දක්වා රාජ්ය අනුග්රහය සහිතව මෙරටදී පැවැත්වීමට කටයුතු සංවිධාන කෙරුණි.
ඒ අනුව වියට්නාම් ජාතික පූජ්ය පඤ්ඤාකර ස්වාමින් වහන්සේ ප්රමුඛ භික්ෂූන් වහන්සේ පසුගිය 21 වනදා දිවයිනට ළඟා වුණි.
මෙම සාම පා ගමන සඳහා “ආලෝකා” නැමැති සුනඛයාද භික්ෂූන් වහන්සේ සමග එක්ව සිටී.
සාම පාගමනේ තුන්වන දිනය අද නිදහස් චතුරස්රය හරහා ගමන් කර ගංගාරාම විහාරය දක්වා ගමන් කිරීමට නියමිතය.
