කෙහෙල්බද්දර පද්මේ නමැති පාතාල නායකයා සමග සමීප සබඳතා පවත්වමින් ගණේමුල්ලේ සංජිව ඝාතනයට ගිනි අවි ලබාදුන් බව කියන සිද්ධිය සම්බන්ධයෙන් අත්අඩංගුවට ගෙන සිටින ගම්පහ ඔස්මන් නමැත්තාට අයත් ගම්පහ පිහිටි නිවස සහ ඉඩම පොලිස් විශේෂ කාර්ය බළකාය සහ කොළඹ අපරාධ කොට්ඨාසය විසින් දැඩි පරීක්ෂාවට ලක්කර ඇත.
පයුගිය 16 වැනිදා (සෙනසුරාදා) කොළඹින් ගිය පොලිස් විශේෂ කාර්ය බළකායේ සහ අපරාධ කොට්ඨාසයේ නිලධාරීන් කණ්ඩායමක් විසින් පැය 02කට ආසන්න කාලයක් තිස්සේ ඔස්මන් ගුණසේකරට අයත් නිවස සහ ඉඩම් පරික්ෂා කළ ද සැක කටයුතු කිසිවක් හමු වී නැත.
ඔස්මන් ගුණසේකරගෙන් මේ වන විට කොළඹ අපරාධ කොට්ඨාසය දීර්ඝ ලෙස ප්රශ්න කරගෙන යන අතර පසුගිය කාලයේ රටපුරා සිදු වූ අපරාධ ගණනාවක සුලමුල හෙළි වෙමින් ඇතැයි පොලිස් ආරංචි මාර්ග පවසයි.
එමෙන්ම ඔස්මන් සමඟ සමීප සබදතා පවත්වමින් විවිධ අපරාධ සදහා උදව් උපකාර කළ පොලිස් නිලධාරීන් කීපදෙනකු සහ තවත් ප්රසිද්ධ පුද්ගලයන් රැසක් පිළිබඳව මේ වන විට තොරතුරු අනාවරණය වී ඇත.
ඔස්මන් ගුණසේකරට ආයුධ සැපයූ පුද්ගලයන් කීපදෙනකු පිළිබදවද තොරතුරු මේ වන විට අනාවරණය වී ඇති අතර ඔවුන් අත්අඩංගුවට ගැනීමට ද විමර්ශන ආරම්භ කර තිබේ.
බස්නාහිර පළාත භාර ජ්යෙෂ්ඨ නියෝජ්ය පොලිස්පති සජීව මැදවත්ත, කොළඹ දියාව භාර නියෝජ්ය පොලිස්පති නිශාන්ත සොයිසා යන මහත්වරුන්ගේ උපදෙස් මත අපරාධ කොට්ඨාසයේ අධ්යක්ෂ ජ්යෙෂ්ඨ පොලිස් අධිකාරි ඉන්දික ලොකුහෙට්ටි මහතාගේ මෙහෙයවීමෙන් විමර්ශන පැවැත්වෙයි.
