ක්රීඩා ගුරුවරයකු සමග තරුණියක් අයිස් මත්ද්රව්ය මිලිග්රෑම් 7140ක් සමග පොලොන්නරුව දූෂණ මර්දන විමර්ශන අංගයේ නිලධාරීන් විසින් අත් අඩංගුවට ගෙන ඇත.
ඩුබායි සිට අයිස් මත්ද්රව්ය ලංකාවේ ලොකේෂන් ක්රමයට බෙදා හරින මහා මොළකරු සමග වටිස් ඇප් මගින් සම්බන්ධතාවක් පවත්වා අයිස් මත්ද්රව්ය ලොකේෂන් ක්රමයට සඟවන අවස්ථාවේ මෙම සැකකරු සහ සැකකාරිය පොලිස් නිලධාරීන් විසින් නම් නගරයේ සහ 2 ඇළ ප්රදේශයේ දි අත්අඩංගුවට ගත් බව පොලිසිය කියයි.
පොලොන්නරුව දූෂණ මර්දන විමර්ශන අංශයේ නිලධාරීන්ට ලැබුණ තොරතුරක් අනුව විදුහලක සේවය කරන ක්රීඩා ගුරුවරයා පොලොන්නරුව නව නගරයේදී ද, තරුණිය පොළොන්නරුව 2 ඇළ ප්රදේශයේදීද අත්අඩංගුවට ගත් බව වැටලිම සිදු කළ පොලිස් නිලධාරියකු සඳහන් කළේය.
අත්අඩංගුවට ගත් පුද්ගලයාගෙන් සහ තරුණියගෙන් ප්රශ්න කිරීමේදී ඔවුන් පවසා ඇත්තේ වට්ස් ඇප් මගින් හඳුනාගෙන ලොකේෂන් ක්රමයට පොලොන්නරුව ප්රදේශයේ ගමින් ගමට ගොස් තැනින් තැන අයිස් මත්ද්රව්ය සඟවන බවද එක් තැනක තබන අයිස් මත්ද්රව්ය පාර්සලයක් සඳහා තමන්ගේ ගිණුමට රුපියල් 5000ක් ලැබෙන බවද, එක් දිනකට රුපියල් 15000ක් පමණ සොයා ගැනීමට හැකි බවද ඔවුන් පොලිස් නිලධාරීන්ට පවසා තිබේ.
ක්රීඩා ගුරුවරයා ළඟ අයිස් මත්ද්රව්ය මිලි ග්රෑම් 7140ක්ද, තරුණීය ළග තිබි අයිස් මත්ද්රව්ය මිලිග්රෑම් 2720ක් අත්අඩංගුවට ගත් බවද පොලිස් නිලධාරියකු පැවසීය. අත්අඩංගුවට ගත් අවුරුදු 22 ක් පමණ වයයැති රූමත් තරුණිය විවාහක තැනත්තියක් බවද, ඇයගේ පුරුෂයා මීට පෙර ලොකේෂන් ක්රමයට අයිස් මත්ද්රව්ය සඟවන අවස්ථාවේ පොලිස් නිලධාරීන් විසින් අත්අඩාගුවට ගෙන මහෙස්ත්රාත් අධිකරණය වෙත ඉදිරිපත් කළ පසු රක්ෂිත බන්ධනාගාර ගතකර ඇති බව ද පොලිසිය සඳහන් කරයි.
පුරුෂයා රක්ෂිත බන්ධනාගාර ගතවූ පසු ඇය ද අයිස් මත්ද්රව්ය භාවිතා කිරීමට පුරුදු වූ බවද අයිස් මත්ද්රව්ය භාවිතයට ගන්න මුදල් නොමැති නිසා මුදල් උපයා ගැනීමට ලොකේෂන් ක්රමයට ඇයද අයිස් මත්ද්රව්ය සැඟවූ බවද තරුණිය පොලිසියට පවසා තිබුණි.ඇයට අයිස් මත්ද්රව්ය භාවිත කරන්න පුරුදු කළේ පුරුෂයා බවද තරුණිය කළ ප්රකාශයක සඳහන් වේ.
පොලොන්නරුව ජ්යෙෂ්ඨ පොලිස් අධිකාරි බුද්ධික මනතුංග, වැලිකන්ද ප්රදේශය භාර ජ්යෙෂ්ඨ පොලිස් අධිකාරි ප්රගති අබේසිංහ යන මහතුන්ගේ උපදෙස් පරිදි පොලොන්නරුව මූලස්ථාන පොලිස් පරික්ෂක පී. පී. කේ. පතිරණ මහතා ප්රධාන පොළොන්නරුව පොලිසියේ දූෂණ මර්දන විමර්ශන අංශයේ නිලධාරීන් කණ්ඩායමක් විසින් සැකකරු සහ සැකකාරිය අත්අඩංගුවට ගෙන තිබුණි.
