තැපැල් දෙපාර්තමේන්තුව විසින් US Post වෙත ගෙවූ ඩොලර් ලක්ෂ 6ක මුදලක් එම දෙපාර්තමේන්තුව වෙත නොලැබීම සම්බන්ධයෙන් විමර්ශන ආරම්භ කළ බව අපරාධ පරීක්ෂණ දෙපාර්තමේන්තුවේ පරිඝණක විමර්ශන ඒකකය අද (6) කොටුව මහේස්ත්රාත් පසන් අමරසේන හමුවේ දැනුම් දී තිබෙනවා.
එම සිද්ධිය සම්බන්ධයෙන් හදිසි පරිඝණක සංසදය CERT ලවා ස්ථානීය පරීක්ෂාවක් සිදු කරන ලෙස මහේස්ත්රාත්වරයා එම ආයතනයට නියෝග කර ඇති බව සඳහන්.
අපරාධ පරීක්ෂණ දෙපාර්තමේන්තුව කළ ඉල්ලීම සලකා බැලූ මහේස්ත්රාත්වරයා මෙම නියෝගය සිදු කළා.
අවස්ථා දෙකක දී මෙම මුදල් බැර කර ඇති බවත් ඊට අදාළව ඊමේල් පණිවිඩ සම්බන්ධයෙන් කටයුතු කළ නිලධාරීන්ගේ සහ නියෝජ්ය තැපැල්පතිවරයාගේ ප්රකාශ සටහන් කර ගත් බවත් මෙතෙක් සැකකරුවෙක් අනාවරණය වී නැති බවත් අපරාධ පරීක්ෂණ දෙපාර්තමේන්තුව අධිකරණයට දන්වා සිටියා.
එමෙන්ම පරිඝණක අපරාධ පනත, පොදු දේපල පනත සහ ලංකා දණ්ඩ නීති සංග්රහය යටතේ විමර්ශන සිදු කරන බවයි අපරාධ පරික්ෂණ දෙපාර්තමේන්තුව අධිකරණයට පවසා සිටියේ.
ඊට අදාළව තැපැල්පතිවරයා කළ පැමිණිල්ලක් අනුව විමර්ශන ආරම්භ කළ බවයි අපරාධ පරීක්ෂණ දෙපාර්තමේන්තුව අධිකරණයට දන්වා සිටියේ.
