මේ වසරේ ගත වු කාලය තුළ වනඅලි මරණ 128ක් සිදුව ඇති බව වනජීවි සංරක්ෂණ දෙපාර්තමේන්තුව පවසයි.
පසුගිය ජනවාරි පළමු දින සිට මැයි 15 දක්වා කාලය තුළ මෙම වනඅලි මරණ වාර්තා වන බව එම දෙපාර්තමේන්තුව සඳහන් කළේය.
එහිදි වෙඩි තැබීම්වලින් වනඅලි මරණ 20ක් ද , විදුලිසැර වැදීම් හේතුවෙන් මරණ 15ක් ද , හක්ක පටස් ආහාරයට ගැනීමෙන් මරණ 10ක් සහ වගා ළිංවලට වැටීමෙන් මරණ 05ක් ද සිදුව තිබේ.
ඊට අමතරව විෂ ශරීර ගතවීම්, දුම්රියේ ගැටීම්, දියේ ගිලීම් වැනි අනතුරුවලින් ද වනඅලි මරණ සිදුව ඇති බව සඳහන් ය.
නැගෙනහිර කලාපයෙන් වැඩිම වනඅලි මරණ සංඛ්යාවක් වාර්තා වන අතර පොළොන්නරුව සහ අනුරාධපුර වන ජීවි කලාපවලින් ද වනඅලි මරණ වාර්තා වී තිබේ.
මීට අමතරව වන අලි පහරදීම් හේතුවෙන් පුද්ගල මරණ 35ක් ද මේ වසරේ ගත වූ කාලය තුළ වාර්තා වන බව වන ජීවි සංරක්ෂණ දෙපාර්තමේන්තුව වැඩිදුරටත් සඳහන් කළේය.
