විදේශ කටයුතු අමාත්ය විජිත හේරත් මහතා ඉරාන විදේශ අමාත්ය අබ්බාස් අරග්චි මහතා සමඟ දුරකථන සංවාදයක් පවත්වා තිබේ.
මෙම දුරකථන සංවාදය අතරතුර, ඉරාන විදේශ අමාත්යවරයා විසින් IRIS Dena නෞකාවේ නාවිකයින් බේරා ගැනීමේ මෙහෙයුමේදී ශ්රී ලංකා රජය දැරූ උත්සාහයන් සහ IRIS Dena නෞකාවේ කාර්ය මණ්ඩලයේ සහ අනෙකුත් ඉරාන නාවික නිලධාරීන්ගේ මළ සිරුරු ඉරානයට ආපසු භාරදීමට සහාය වීම පිළිබඳව කෘතඥතාව පළ කළ බව ශ්රී ලංකාවේ ඉරාන තානාපති කාර්යාලය පවසයි.
ඉරාන විදේශ අමාත්යවරයා, එක්සත් ජනපදය සහ ඊශ්රායලය ඉරානයට එරෙහිව සිදුකළ බව කියන අපරාධ ගෙනහැර දක්වමින්, IRIS Dena නෞකාවට එල්ල වූ ප්රහාරය එක්සත් ජනපදය විසින් සිදුකරන ලද “පෙර නොවූ විරූ යුද අපරාධයක්” ලෙස ද මෙහිදී පවසා ඇත.
මෙය ජාත්යන්තර මානුෂීය නීතියේ මූලික නීති සහ 1949 ජිනීවා සම්මුතීන් බරපතළ ලෙස උල්ලංඝනය කිරීමක් වන අතර, මෙම අපරාධය ඉරානය කිසිදා අමතක නොකරන බවත්, අපරාධකරුවන් සහ වගකිව යුතු පිරිස වගකිව යුත්තන් බවට සහතික කර ඔවුන් නීතිය හමුවට පමුණුවා ගැනීමට සියලු නීතිමය සහ දේශපාලනික ක්රම භාවිතා කරන බවත් ඉරාන විදේශ අමාත්ය අබ්බාස් අරග්චි මහතා මෙහිදි අවධාරණය කර තිබේ.
ශ්රී ලංකාවේ ඉරාන තානාපති කාර්යාලය නිකුත් කළ නිවේදනයකට අනුව, අමාත්ය අරග්චි සහ අමාත්ය විජිත හේරත් ද්විපාර්ශ්වික සබඳතා සහ කලාපීය වර්ධනයන් පිළිබඳව ද සාකච්ඡා කර ඇත.
