ලංකා විදුලිබල මණ්ඩලය අහෝසි කිරීමත් සමග ස්වේච්ඡා විශ්රාම ගැනීමේ ක්රමවේදය යටතේ විශ්රාම ඉල්ලුම් කළ පිරිසට අදියර 2ක් යටතේ වන්දි ලබාදීමට බලාපොරොත්තු වන බව වරාය හා සිවිල් ගුවන් සේවා අමාත්ය බලශක්ති අමාත්ය අනුර කරුණාතිලක මහතා පවසයි.
එහි පළමු අදියර යටතේ මුළු වන්දි මුදලෙන් 50%ක් මහා භාණ්ඩාගාරයේ අරමුදල්වලින් ලබාදීමට කටයුතු කරන බවද ඒ මහතා මෙහිදී සඳහන් කළේය.
පාර්ලිමේන්තුවේ දී යොමු කළ පැනයකට පිළිතුරු ලබා දෙමින් අමාත්යවරයා මේ බව කියා සිටියේය.
එහිදී ඔහු වැඩිදුරටත් පැවසුවේ ඊට අදාළ පත්රිකාව මේ වන විට කැබිනට් අනුමැතිය ලබා ගැනීම සඳහා ඉදිරිපත් කර ඇති අතර එළැඹෙන සතිය තුළ ඊට අනුමැතිය ලැබෙනු ඇතැයි අපේක්ෂා කරන බවය.
ඒ අනුව මෙම මාසයේ 15වනදා වනවිට පළවෙනි 50%ක වන්දි මුදල අදාළ පිරිසට ලබාදීමට කටයුතු කරන බවත්, ඉතිරි 50%ක මුදල කෙටි කාලයක් තුළ ලබා දීමට අපේක්ෂා කරන බවත් අමාත්ය අනුර කරුණාතිලක මහතා වැඩිදුරටත් පැවසීය.
එහිදී අදහස් දැක්වූ වරාය හා සිවිල් ගුවන් සේවා අමාත්ය බලශක්ති අමාත්ය අනුර කරුණාතිලක මහතා,
”එකේ කොටසක් 50%ක් අපි බලාපොරොත්තු වෙනවා මහා භාණ්ඩාගාරයේ අරමුදල්වලින් ලබා දෙන්න.. ඒ සඳහා පත්රිකාව කැබිනට් අනුමැතිය ලබා ගන්න ඉදිරිපත් කරලා තියෙන්නේ.. මම විශ්වාස කරනවා ලබන සතිය වෙනකොට අපිට කැබිනට් අනුමැතිය ලැබෙයි කියලා.. ඒ අනුව මේ මාසේ 15වනදා වෙනකොට පළවෙනි 50% අදාළ විශ්රාම ගිය අයට ලබා දෙන්න කටයුතු කරනවා.. ඒ වගේම ඉතිරි 50% කෙටි කාලයක් තුළ ලබා දීම සඳහා කටයුතු කරමින් ඉන්නවා”
