කතරගම පොලිස් වසමේ දෙටගමුව පිහිටි හෝටලයකින් මත්පැන් පානය කළ අයෙකු ලබාදුන් මුදල් නෝට්ටු පිළිබඳ මුදල් අයකැමිවරයාට සැක සිතී ඒ සම්බන්ධයෙන් කතරගම පොලිසිය දැනුවත් කර ඇත.
ඒ අනුව කතරගම පොලිසියේ නිලධාරීන් එම ස්ථානයට ගොස් අදාළ පුද්ගලයා පරීක්ෂා කිරීමේදී ඔහු සන්තකයේ තිබි අංක 604004182 දරණ එකම් අංකය සහිත රුපියල් 1000 නෝට්ටු 04ක් හා අංක 369388400 අංකය දරණ රුපියල් 500 16ක්ද අත්අඩංගුවට ගන්නා ලදී.
සැකකරු සෙල්ල කතරගම පිහිටි විහාරස්ථානයක ඇති දේවාලයක පූජකවරයකු ලෙස සේවය කරන බව අනාවරණය වූ අතර මෙම මුදල් නාඳුනන පුද්ගලයෙකු විසින් දේවාලයට පූජාකළ මුදල් බව සඳහන් කර සිටී. සිද්ධියට අදාළව කතරගම පොලිසිය මගින් වැඩිදුර පරීක්ෂණ සිදු කරයි.
