මනුෂ්ය පරිභෝජනයට නුසුදුසු කල් ඉකුත් වු ළදරු කිරිපිටි පැකට් අලෙවි කිරීමට ප්රදර්ශනය කර තිබූ පුද්ගලික ෆාමසියක හිමිකරුවකුට රුපියල් ලක්ෂයක දඩ මුදලක් අද (30) කොළඹ මහේස්ත්රාත් අධිකරණයෙන් නියම කළා.
ඒ කොළඹ අතිරේක මහේස්ත්රාත් එච්.ඩී.ඩී.ජේ ප්රේමරත්න හමුවේ දී.
පාරිභෝග කටයුතු පිළිබඳ අධිකාරිය විසින් සැකකරු අත්අඩංගුවට ගෙන අද අධිකරණයට ඉදිරිපත් කර තිබුණා.
කොළඹ ප්රදේශයේ පැවති පුද්ගලික ෆාමිසියක හිමිකරුවට මෙලෙස දඩ මුදල් නියම කෙරිණි.
විධාන අංක 52 දරන විධානයට අනුව පැවරී ඇති විශේෂ ගැසට් පත්රයේ ප්රකාශනයට අනුව සියලු නිෂ්පාදකයන් ආනයනයකරුවන් ,බෙදාහරින්නන් වෙළඳුන් විසින් තම ව්යාපාර ක්රියාවලිය තුළදී විකිණීමට නුසුදුසු , කල් ඉකුත් වූ ආහාර ද්රව්ය නුසුදුසු බවට හඳුනාගෙන විකිණීමට ප්රදර්ශනය කර තිබීම සහ අලෙවි කිරීම දඬුවම් ලබාදිය හැකි වරදක් බව විමර්ශන නිලධාරීන් අධිකරණයට කරුණු දැක්වුවා.
ඉදිරිපත් වූ කරුණු සලකා බැලූ මහේස්ත්රාත්වරිය සිද්ධියට අදාල සැකකරුට ලක්ෂයක දඩ මුදලක් නියම කරනු ලැබුවා.
