ඌව පරණගම මැතිවරණ කොට්ඨාසයේ දිඹුලන හා ඉලුක්වෙල ග්රාම නිලධාරි වසම් දෙක යා කරමින් වැටමන් ඔය හරහා ඉදිකර ඇති කස්තුරිඇල්ල පාලම කලක පටන් දැඩි ලෙස අබලන් වීම හේතුවෙන් තමන් මහත් පීඩාවට පත්ව ඇතැයි එම පාලම සිය දෛනික ගමනා ගමන කටයුතු සඳහා යොදා ගන්නා ජනතාව මැසිවිලි නඟති.
1910 වර්ෂයේදී පමණ මෙම පාලම ඉදිකර ඇති බවට ජනප්රවාදයේ කියවෙන බව ප්රදේශවායින් පවසන අතර මේ වන විට මෙම පාලමේ පවතින අබලන් තත්ත්වය හේතුවෙන් එය මරු කපොල්ලක් බවට පත්ව ඇති බව ජනතාව පෙන්වා දෙති.
දිඹුලන ප්රාදේශීය රෝහලට, වැවේගම හා අමයපන්න විද්යාල වලට හා මස්පන්න නගරයට යෑම සඳහාත් බොහෝ දෙනා මෙම අඛලන් පාලම දැනට භාවිත කරයි.
පසුගිය දිනක මෙම අබලන් පාලම හරහා ගමන් ගත් අයකු පාලමේ පෙරළීමෙන් තුවාල ලැබූ බව ප්රදේශවාසීහු පවසති.
මෙම පාලමේ මේ වන විට කොන්ක්රීට් කොටස් තැනින් තැන ගැලවී ගොස් ඇති අතර ඒවට උඩින් ලී පතුරු යොදා ගමනා ගමනයට පහසු වන අන්දමට ජනතාව විසින්ම පිළියල කර ගෙන ඇතත් එය ස්ථිර විසඳුමක් නොවන බව ජනතාව පවසති.
පාලමේ යකඩද මේ වන විට දිරා යමින් පවතින බව කියති. දිගු කලක සිට නිසි ප්රතිසංස්කරණයක් නොකිරීම නිසා වර්තමානය වන විට මෙම පාලමට මේ ඛේදනීය ඉරණම අත්ව ඇති අතර ජනතාව ඉල්ලා සිටින්නේ ග්රාම නිලධාරි වසම් දෙකක ජනතාවට ඉතා ප්රයෝජනවත් මෙම අබලන් පාලම කඩිනමින් පිළිසතර කර දෙන ලෙසයි ය.
බොරලන්ද – සමන්ත කුමාර
