වර්තමානය වන විට මෙරට දැවැන්ත අනතුරුදායක තත්ත්වයන් රැසකට මුහුණ දී ඇති බව විපක්ෂනායක සජිත් ප්රේමදාස මහතා පවසයි.
විපක්ෂනායකවරයා මේ බව පැවසුවේ අද (02) මහවැලි කේන්ද්රයේ පැවැති ආචාර්ය චන්දිමා විජය ගුණවර්ධන මහත්මිය විසින් රචිත ‘එමි ආච්චි-ශ්රී ලංකාවේ ආච්චි අම්මා සහ පූර්ව ජීවීන්’ නම් ග්රන්ථය එළිදැක්වීමේ වැඩසටහනකට එක්වෙමිනි.
එහිදී විපක්ෂනායකවරයා පැවසුවේ ආහාර සුරක්ෂිතභාවය, ආර්ථික, සමාජීය, දේශපාලන සෛරීභාවය මෙන්ම ජනතාවගේ ජන ජීවිත සංවර්ධන රටාවන් ආදී සෑම දෙයක්ම බරපතළ අනතුරුදායක තත්ත්වයකට පත්ව ඇති බවය.
මෙම අවස්ථාව වන විට රටේ අවශ්යතාව ජනතාවගේ අවශ්යතාව ගැන සිතා රටේ සම්පත් උපයෝගී කරගනිමින් ස්වෝත්සාහයෙන් සෑම අතින්ම ස්වයංපෝෂිත විය යුතු බව පෙන්වා දෙන විපක්ෂනායකවරයා පැවසුවේ මෙරට මුහුදු තීරයේ ඇති ගෑස් නිධි, ඉන්ධන සම්පත් ගැන කතා කරන නමුත් පසුගිය දිනෙක සමගි ජන බලවේගය බලශක්ති ප්රතිපත්ති සම්පාදන කමිටුව රැස්වූ අවස්ථාවේදී එහි සිටි විශේෂඥයින්ගෙන් මේ සම්බන්ධයෙන් විමසූ අවස්ථාවේදී ඔවුන් පැවසුවේ විවිධ පාර්ශ්වවල බලපෑම් හේතුවෙන් මෙම සම්පත් ලබා ගැනීමට නොහැකි බව යැයිද මෙහිදි සඳහන් කළේය.
බලශක්ති සුරක්ෂිතභාවයට, ඉන්ධන සුරක්ෂිතභාවයට විරුද්ධව කටයුතු කරන පිරිසක් හේතුවෙන් මෙම සම්පත් ලබා ගැනීමට නොහැකි බවද ඔවුන් පෙන්වා දුන් බවද විපක්ෂනායකවරයා පැවසුවේය.
මෙම සම්පත් තිරසර ලෙස භාවිත කිරීම තුළින් විදේශ රටවලින් යැපීමකින් තොරව ස්වයංපෝශිතව කටයුතු කළ හැකි බව පෙන්වා දෙන විපක්ෂනායකවරයා ආහාර සුරක්ෂිතභාවය සම්බන්ධයෙන් ද ගැටලු ඇති බවත් මෙහිදී වැඩිදුරටත් අදහස් දක්වමින් සඳහන් කළේය.
